Сојузот на синдикатите на Македонија во соработка со МТСП на 17.06.2019 година организираше работилница во врска со новините на Законот за спречување и заштита од дискриминација . Законот е објавен во службен весник бр. 101 од мај оваа година ( 2019)и истиот е резултат на широка расправа на социјалните партнери ,граѓанската и стручната јавност.
ССМ учествуваше во активностите за измена на Законот за спречување и заштита од дискриминација со свои предлози и забелешки .
Целта беше да се донесе закон со кој ќе се отстранат сите недоследности на предходниот за што поефикасна примена и постигнување на резултати во областа на еднаквоста и недискриминацијата .
Организираната работилница овозможи присутните членови на синдикатите да се стекнат со сознанија за Законот за спречување и заштита од дискриминација , за да се подигне нивото на превентивно делување во оваа област , поради тоа што само обучено членство може да ги препознае облиците на дискриминација и да преземе активности за спречување и заштита .
На работилницата присуствуваа и секретари и координатори на регионалните синдикални претставништва и канцеларии , како и синдикални претставници и правни застапници од синдикатите и ССМ кои стекнатите сознанија за Законот за спречување и заштита од дискриминација ќе можат дирекно да ги применат во обезбедувањето на бесплатната правна заштита за права од работен однос која се реализира во ССМ.
Темата за еднаквост и недискриминација ќе биде континуирано дел од нареднте активности на Сојузот на синдикатите на Македонија ,се во правец на унапредување на социјалниот дијалог и колективното договарање , подобрување на работното законодавство и подигнување на сопствените капацитети и јавната свест за препознавање на сите облици на дискриминација и стекнување на сознанија за начинот и постапката за заштита од оваа негативна појава .
Слика 1.
Слика 2.