СПМ безрезервно ги поддржува синдикатите и работниците во нивните барања и за остварување на нивните работнички права како јасна поддршка за барањето на Сојузот на синдикатите на Македонија за зголемување на минималната плата на 18.000 денари и спирално зголемување на останатите плати на работниците.

ССМ укажува дека работниците добиваат се поголема и повеќе од потребна поддршка во Собранието, а се со цел унапредување на работнички права и остварување на правото на достоинствена плата со зголемување на минималната плата со кое спирално ќе се зголемат останатите плати .

ССМ го поздравува пристапот на отворена поддршка на Социјалистичка партија на Македонија и дека работниците ќе го ценат придонесот на пратениците кои им подаваат рака кога им е најтешко.

ССМ уште еднаш укажува дека во услови кога ниту најголемиот пораст на минималната плата во 2017 година не го загрозил стопанството – односно фирмите не отпуштале работници, не ги намалувале платите, ниту пак им се намалил профитот- туку напротив ја зголемиле продуктивноста и профитот, очекуваме и другите партии и пратеници во парламентот да го следат примерот и да го сторат истото веднаш и да покажат дека се за работниците и за граѓаните.