Соработката помеѓу Сојузот на синдикатите на Македонија и Правен факултет „Јустинијан Први“ со професорот д-р Александар Ристовски традиционално гости во Сојузот на синдикатите на Македонија.

Четириесетина студенти на катедрата по трудово право денеска заедно со професорот остварија посета и одржаа час во ССМ, а имаа можност да дискутираат со претставниците на ССМ, Слободан Трендафилов, Шеф на кабинетот на претседателот на ССМ и Иван Пешевски, Претседател на СГИП и потпретседател на ССМ, за активностите на ССМ, за синдикалното организирање, колективното договарање, правната заштита и други актуелни теми поврзани со трудовото право и работничките права.

Студентите имаа можност да се запознаат со новите дигитални алатки на ССМ како апликацијата ССМ – мои работнички права, СИНДИ – е советник за работнички права, како и да добијат повеќе информации за процесите во кои е вклучен ССМ, начинот на водење на преговори, организирање на штрајкови и протести, начинот на сидикалното организирање и поставеноста на синдикатите.

ССМ напорно работи да го доближи синдикатот до младите луѓе, за истите да го препознаваат синдикатот како своја организација во која доколку се приклучат можат значително да придонесат и да ги променат условите за работа и начинот на функционирање на синдикатите.