Од 21 до 23 октомври во Охрид ќе се одржи Петнаесеттата синдикална школа на Самостојниот синдикат за здравство, фармација и социјална заштита.

На школата ќе учествуваат околу 170 лица, членови на синдикалните организации на здравствените установи во земјата. Се очекува да присуствуваат министерот за здравство Никола Тодоров, претставници на Министерството за труд и социјална политика, на Фондот за здравствено осигурување и на други институции.

На отворањето ќе зборува претседателот на Синдикатот за здравство Љубиша Каранфиловски. “Современи аспекти на лидерството – од успех до моќ“ е тема на која ќе зборува предавачот професор Константин Петковски. Презентери на втората тема, “Безбедност и здравје при работа – проценка на ризикот на работното место“, се Борче Стојчевски, инженер за заштита при работа, ангажиран во Македонското здружение за заштита при работа, и Инда Савиќ од ССМ.