По повод 23 Октомври – Денот на револуционерната борба на македонскиот народ, во името на Сојузот на синдикатите на Македонија, претседателот на ССМ Дарко Димовски упатува срдечни честитки.

За македонските работници, за Сојузот на синдикатите на Македонија како нивна организација, ова е исклучително значаен Празник. Борбата за национална слобода е и борба за остварување на вековните стремежи на македонските работници за нивните социјални права, за елементарните права од трудот, против безмилосната експлоатација.

Денес секој работник и секој граѓанин ги чувствува придобивките од извојуваната победа за национално ослободување и за социјална правда. Остварени се стремежите да живееме во современо, демократско општество во кое постои широк простор и можност за секого со труд да ја обезбедува егзистенцијата.

Со почит,

Претседател на ССМ

Дарко Димовски