- Македонски
- English
ГЛАС НА РАБОТНИЦИТЕ, РЕГИОНАЛЕН Е-БИЛТЕН
Прв регионален синдикален Е-билтен кој започна да се издава од страна на Регионалниот синдикален совет – РСС СОЛИДАРНОСT.
Водени од европските перспективи и препознавањето на заедничкиот интерес, синдикалното движење РСС Солидарност одлучи да ја формализира регионалната соработка на работничките организации. На иницијатива на синдикалните централи од Македонија ССМ и КСС, Словенија ЗССС, Хрватска СССХ, Србија СССС и УГС Независност, Црна Гора ССЦГ и УССЦГ во април 2011 година воспоставена е платформа за соработка со формирање на Регионалниот синдикален совет РСС СОЛИДАРНОСТ што претставува прва и единствена транснационална синдикална мрежа која се фокусира на процесот на приклучување кон ЕУ.
Европската конфедерација на синдикатите – ETUC, им помага на синдикалните централи од регионот членки на РСС СОЛИДАРНОСТ во градење на капацитетите за дигитален синдикализам со помош на дигиталните вештини и алатки. Со цел зајакнување на организациските капацитети на синдикатите, унапредување на комуникацијата со членството и јавноста како и да ја зајакнат на улогата во социјалниот дијалог. Силни синдикати се неопходни за обезбедување на квалитетни и достоинствени услови за работа и достоинствена плата.
Во рамките на зголемување на видливоста на синдикатите на регионално ниво излезе првото издание на регионалниот е-билтен ГЛАСОТ НА РАБОТНИЦИТЕ кој го издава РСС СОЛИДАРНОСТ, а првата тема која се обработува е „Плата која не обезбедува достоинствен живот, најниска плата во регионот“ и во кој може да се најдат информации за состојбата со минималната плата во земјите членки на РСС Солидарност ( Словенија, Македонија, Хрватска, Црна Гора, Србија и Босна и Херцеговина).
Е-билтенот ќе им помогне на работниците и синдикатите навремено да се информираат за состојбите поврзани со работничките права од регионот особено од земјите од поранешна Југославија.
Е - билтенот е во електронска форма и истиот има можност да се чита на јазиците земјите од кои доаѓаат синдикатите.
