- Македонски
- English
Претседателот на Сојузот на синдикатите на Македонија, Дарко Димовски и претседателот на СИЕР, Игор Ѓерасов денеска во ССМ остварија средба со новиот Генерален директор на рудникот САСА, Крис Колбурн и Ивица Талевски, директор за одржливост.
На средбата се дискутираше за продолжување на добриот социјален дијалог кој изминатиот период даде резултати со зголемување на платата на вработените, а денеска беше најавено дека и покрај енергетската криза, рудникот САСА, за разлика од други рудници ќе продолжи со работа.
Заеднички беше констатирано дека сите прашања и дилеми треба да се надминуваат по пат на социјален дијалог и со потпишување на колективен договор помеѓу менаџментот и синдикатот СИЕР за што и двете страни се сложни.