Вработените од ДООЕЛ Флораком и Луна, кои се фирми-ќерки на ЈП Паркови и зеленило - Скопје, денеска, го изразија својот револт преку блокирање на булеварот „Илинденска“, поради неисплатени плати. Како што информираше Стојанче Кашиковски, Претседател на Синдикатот на СУТКОЗ, на работниците од овие две фирми не им е исплатена плата за јуни месец и се оставени без здравствено осигурување.

И покрај тоа што од страна на Советот на град Скопје пред десетина дена беше донесена одлука за субвенции на ЈП Паркови и зеленило Скопје во износ од 80 милиони денари,директорот Јетон Бучи и покрај даденото ветување по претходно одржаниот протест кој се одржа на 17.07.2025 година дека вработените во овие две фирми ќе земат плата во исто време со вработените во ЈП Паркови и зеленило Скопје повторно излажа и не се исплатија платите.

Доколку денес не им се исплати платата вработените ќе продолжат со блокирање на бул. Илинден се до исполнување на барањата за исплата на плата и здравствено осигурување.