СОСТАНОК СО НОВОТО РАКОВОДСТВО НА ФЗОМ

На ден 09.07.2024 година, во просториите на Фондот за здравствено осигурување беше остварена работна средба на која учествуваа Претседателот на Синдикат на УПОЗ / Sindikat na UPOZ Трпе Деаноски, Претседателот на ССМ Слободан Трендафилов, Генералниот Секретар на Синдикатот на УПОЗ Бојан Трипуноски и Заменик претседателот на СО при ФЗОМ Зоран Печевски, со ново именуваните директори на Фондот за здравствено осигурување Сашо Клековски и Бранко Аџигогов.

На оваа средба се разговараше за отворените прашања кои вработените во ФЗОМ ги имаат со години наназад, а главниот акцент беше ставен на нерешениот проблем со висината на платите на вработените, не исплатеното усогласување на платите со порастот на минималната плата и систематизацијата на работните места.

Новото раководство на ФЗОМ истакна дека сите отворени прашања ќе се решат преку преговори со Синдикатот и дека соработката на ФЗОМ и Синдикатот на УПОЗ уште повеќе ќе се унапреди во наредниот период.