Стани дел од синдикатот и направи
значајна промена.

ССМ, СУТКОЗ и УПОЗ СО ГРАДОНАЧАЛНИКОТ НА КАВАДАРЦИ ДОГОВОРИЈА ПОКАЧУВАЊЕ НА ПЛАТА

Денеска, се оствари средба помеѓу Претседателот на ССМ, Дарко Димовски и градоначалникот на Општина Кавадарци / Municipality of Kavadarci , Митко Јанчев , а на средбата присуствуваа и Секретарот на Синдикат на УПОЗ / Sindikat na UPOZ, Бојан Трипуноски, претседателите на СГИП и СИЕР, Иван Пешевски и Игор Ѓерасов.

На задоволство на работниците и нивните претставници, Градоначалникот Митко Јанчев позитивно одговори и ги прифатиж барањата на синдикатите и платите на сите вработени во општината и јавните комунални претпријатија и ТПЕ во Општина Кавадарци ќе се усогласат за 2806 денари во нето износ.

Градоначалникот Митко Јанчев и Претседателот Димовски се согласија дека за да се исполни ова ќе бидат формирани нови синдикални организации како во Општина Кавадарци каде што ќе се склучи колективен договор со УПОЗ така и спогодби во Јавните претпријатија со Синдикатот СУТКОЗ.

Претседателот на ССМ Димовски и Секретарот на УПОЗ Трипуноски изразија задоволство од постигнатите решенија и од пристапот на градоначалникот Јанчев со што докажува дека е општествено одговорна општина која се залага за унапредување на работничките права.

Со постигнатата согласност, а со потишување на нов Колективен договор за вработените во Општина Кавадарци и спогодбите во Јавните претпријатија ЈП Комуналец, ЈП за јавни паркиралишта Паркинг и спортска сала Јасмин ќе се зголемат платите за 2806 денари.

Примерот на Општина Кавадарци и Градоначалникот Митко Јанчев кои се пример на другите полиња, станува најдобриот пример за почитување на работнички права кој треба да го следат и останатите општини, со оглед на фактот што се обезбеди ова право на работниците по пат на социјален дијалог, а работниците ќе ги уживаат правата за зголемување и усогласување на нивните плати согласно порастот на минималната плата за 2806 денари.

Дизајнот на веб-страницата е поддржан од Унапредување на социјалниот дијалог
Проектот го финансира Европската Унија, а го спроведува Меѓународната организација на трудот.

Сојуз на Синдикатите на Македонија © 2022 | Сите права се задржани.