АКТИВНОСТИТЕ НА ССМ ВО ТЕКОТ НА 2024 ГОДИНА

За Сојузот на синдикатите на Македонија (ССМ) оваа 2024 година беше особено значајна и содржеше голем број на предизвици, но на крајот реално сме задоволни од постигнатото, како и од постапките кои сме ги трасирале и започнале, а ќе се реализираат наредната година и се во насока на остварување, заштита и унапредување на работничките права.

ССМ е најстариот и најбројниот синдикат во државата, единствен репрезентативен синдикат потписник на Општите колективни договори во јавен и во приватен сектор.

Со својот ангажман во текот на 2024 година ССМ и синдикатите во неговиот состав обезбедија:

- Укинување на пресудата на Врховниот суд со која на незаконит начин беше направен обид за конфискација односно одземање имотот сопственост на ССМ - зградата Работнички дом во корист на државата

- Минималната синдикална кошничка која на месечно ниво ја креира ССМ да биде репер за економските текови во државата и егзистенцијалната положба на работниците и граѓаните, односно да биде појдовна основа при креирањето на мерките на Владата за надминување на сиромаштијата и подобрување на егзистенцијалната положба на работниците и граѓаните во државата

- Покачување на платата за 90% од вработените во јавен сектор

- Покачување на платите во приватниот сектор пред се со зголемувањето на минималната плата

- Зголемување на платите на работниците во компаниите во приватниот сектор каде што имаме членови на синдикатите со што за 80% од членовите на синдикатите здружени во ССМ во приватниот сектор обезбедивме повосики плати од просечната плата.

- Исплата на регрес за годишен одмор во јавниот сектор согласно Општиот колективен договор за јавен сектор чии потписник е ССМ

- Исплата на регрес за годишен одмор во приватниот сектор согласно Општиот колективен договор за приватниот сектор од областа на стопанството чии потписник е ССМ

- Исплата на јубилејни награди за сите работници

- Заштита на правата на работниците преку организирани протести и штрајкови, онаму каде без оправдани причини не се почитуваше законот и правото на социјален дијалог и преговарање

- Бесплатна правна заштита на работничките права, а преку мобилната апликација ССМ- мои работнички права евидентирани се 725 обраќања. За сите овие обраќања на членови на синдикатот и работници преземени се сите законски мерки и постапки за заштита како од службите на ССМ и синдикатите во неговиот состав, така и од страна на ДИТ со кој ССМ има воспоставено добра соработка. Еведентно е дека 80% од пријавите се поднесени од страна на работници кои не се членови на синдикатот, односно работат кај работодавачи кај кои нема синдикат.

- Заштита на работно правната положба на вработените по пат на забелешки во врска со предложени измени и дополнување на Законот за административни службеници и стопирање на донесувањето на предлог Законот за привремени и повремени ангажирања на работници кој содржеше одредби со кои се прекршуваа работнички права.

- Голем број на обуки , советувања и едукација на синдикалното членство за остварување, заштита и унапредување на работничките права, како и за улогата и значењето на синдиканото зачленување и организирање.

БОРБАТА ПРОДОЛЖУВА!