ВО ПРИВАТЕН СЕКТОР СИНДИКАТИТЕ РАБОТАТ ЗА ЧЛЕНОВИТЕ

Претседателот на СГИП, Иван Пешевски заедно со Претседателот на Сојуз на синдикатите на Македонија, Слободан Трендафилов ја посетија компанијата Цементарница Усје - Титан и синдикалната организација на СГИП во истата и остварија средба со главниот синдикален претставник Горан Јанкоски и Дарко Крстевски од синдикалниот одбор.

Синдикалната организација на почетокот на оваа година го потпиша новиот Колективен договор со кој се зголемија платите, а регресот за годишен одмор (К-15) е во висина на 100% од просечната плата и уредени се и други права за работниците што треба да претставува мотив сите вработени да се приклучат на Синдикатот СГИП.

ТИТАН Цементарница УСЈЕ е пример во дејноста индустрија за градежни материјали на полето на безбедност и здравје при работа, социјалниот дијалог и колективното договарање.