- Македонски
- English
По повод одржувањето на првата меѓувладина конференција и почеток на преговорите помеѓу Република Северна Македонија и Европска Унија, Владата упати покана за присуство на свечен коктел, на ден 20.07.2022 СРЕДА, во Клуб на пратеници до ССМ.
Ја користиме приликата да Ве информираме дека ССМ заедно со 138.000 работници во јавен сектор од 22.06.2022 година е во генерален штрајк организиран за заштита на економските и социјалните права и остварување на следните барања од работен однос:
-склучување на Општ колективен договор за јавен сектор со утврдено зголемување на платите на вработените во јавниот сектор за 2806 денари во нето износ согласно зголемувањето на минималната плата објавена во Сл. Весник на РСМ бр. 41 од 24 февруари 2022 година и утврдено право на регрес за годишен одмор во висина од 30% до 100% од основицата.
Имајки во предвид дека Владата има игнорантски однос кон работниците и нивните претставници за нивното егзистенцијално барање и до денес никој не не побарал за разговор како претставници на работниците, ниту пак има одговорено ниту разговарано со штрајкувачите по однос на нивното егзистенцијално барање, цениме дека поканата за присуство на единствениот репрезентативен синдикат претставник на работниците за свечен коктел, наместо покана за преговори за барањата на работниците е неумесна во овој момент не можеме да ја прифатиме и од тие причини Ве информираме дека претставници на ССМ нема да учествуваат на свечености кои не се поврзани со зголемување на платите на работниците во јавниот сектор.